英超轉會窗(1)

足球資訊 | 英格蘭超級足球聯賽(2022/23) | 發布日期: 05/08/2022

英超星期五晚就開鑼，雖然各隊嘅「軍備競賽」仲未結束，唔少新加盟嘅球員，已經喺季前熱身賽表現出身價，令球迷對今季英超充滿期待。

車路士
車路士季前增兵過程並不順利，先後被Dembele、Raphinha、Kounde、Lewandowski（這四子現全是巴塞球員）婉拒及被其他球會截糊。喺後防主力Rüdiger， Christensen分別離隊後，簽入Kalidou Koulibaly。喺車路士最後一場熱身賽中，佢拍Thiago Silva，後者大贊 Koulibaly 嘅經驗能夠幫助球隊，有球迷更認為佢係Rüdiger嘅加強版。

從曼城加盟嘅Raheem Sterling，佢比外借到國米嘅Lukaku 更能配合球隊既3-4-2-1 陣式，可擔任左右翼或正前鋒既角色。由Mount - Havertz - Sterling 組成既鋒線，預計入球數字會有所提升，反擊速度、效率亦會得到改善。

阿仙奴
由曼城加盟既Gabriel Jesus，喺季前熱身賽，有七個入球，一個助攻。上星期六對西維爾嘅熱身賽中連中三元，幫助阿仙奴以6:0 大勝對手。賽後Arteta 對傳媒話：眾所周知Jesus 係一個靈活嘅球員，佢可以踢九號位同左右翼。熱身賽時，佢就係拍Nketiah 踢雙戰頭。

佢嘅前隊友 Oleksandr Zinchenko ，喺曼城踢左閘，但係喺烏克蘭國家隊就主要踢中場中，所以佢可以喺隊中，擔當同 Xhaka 輪換嘅角色。作為一個技術型中場，Zinchenko 無論傳送、攔截，數據上都比Xhaka 亮麗。Arteta 認為，Zinchenko 位置上嘅靈活性對球隊尤其重要。