16/12/2024 曼城 vs 曼聯

足球資訊 | 英格蘭超級足球聯賽(2022/23) | 發布日期: 14/12/2024

比賽日期	主隊	客隊	主勝機率	和局機率	客勝機率
2024-12-16 00:30	曼城	曼聯	72.6 %	17.2 %	10.2 %

主勝機率	和局機率	客勝機率
72.6%	17.2%	10.2%

排名: 英超(4)vs 英超(13)

做頂級球會領隊認真唔容易，繼高普因為筋疲力竭而請辭，哥迪奧拿亦話因為精力耗盡，曼城會係佢執教生涯嘅最後一隊球隊。最近曼城一蹶不振，近十場只得一勝，115條財務違規完成結案陳詞等待宣判，連摩連奴亦加把口話要求公平公義。呢場嘅對手少帥阿摩廉就相反，執教士砵亭時充滿活力，期待嚟到曼聯接受挑戰。同市宿敵都係聯賽近況欠佳，急需一場勝杖去提升士氣同聯賽排名。兩帥上次對陣係冇幾耐之前嘅阿摩廉士砵亭告別戰，喺歐聯主場贏曼城4:1。

近排經常聽到「曼城又輸一場」，周中歐聯頹勢未止，面對防守緊密嘅祖雲達斯，對手兩球快速反擊入波，近十杖共失23球。自11月開始，佢哋嘅失球數字冠絕歐洲五大聯賽。創造力欠奉，中場缺乏活力後防老化，前中後嘅所有問題，隨着傷兵潮而急速浮現，哥帥似乎仍未諗到解決方法。上場對水晶宮2:2，近期狀態算唔錯，左右閘都踢得嘅域高路易斯(Rico Lewis)射入一球扳平2:2，其後兩黃一紅呢場需要停賽，哥帥兵源更見緊絀。

曼聯正處於重建中，場內場外隨時要經歷風腥血雨。上星期六曼聯主場2:3輸比諾定咸森林後，上任僅五個月嘅體育總監艾舒禾夫突然被炒。傳聞主要因為同老闆拉特克利夫喺選新帥上意見分歧，老闆想要阿摩廉，艾舒禾夫屬意修夫基。阿摩廉面對內部動蕩，還好得到管理層嘅支持同信任，可以專心場上嘅工作。喺新帥帶領下，中場組合明奈(Kobbie Mainoo)同烏加迪(Manuel Ugarte)喺防守中扮演關鍵角色，而般奴費南迪斯(Bruno Fernandes)再次成為進攻核心。喺歐霸對柏辛域陀尼亞，曼聯先落後0:1，前鋒海倫(Rasmus Højlund)後備上陣梅開二度射入成2:1奠定勝局，其中一球就係來自般奴費南迪斯嘅助攻。

曼城雖然處於低谷，過去幾季都見到佢哋嘅韌力。如果能利用主場強勢贏一場漂亮嘅勝杖，將會係佢地頭反底之戰。至於作客嘅曼聯，阿摩廉賽前亦承認，對手喺戰術理解、踢法、信心方面都比佢哋優勝。曼聯球員仍需時間去消化領隊嗰套，要穩定地交出成績並唔容易。

分類:

足球資訊

16/12/2024 曼城 vs 曼聯

分類:

標籤:

關於我們:

快速連結:

聯絡我們: