英超賽前分析(12/04/2025-15/04/2025)

足球資訊 | 英格蘭超級足球聯賽(2024/25) | 發布日期: 11/04/2025

12/04/2025 19:30 曼城(英超6) vs 水晶宮(英超11)

水晶宮攻中Eze繼續喺中場發電，球隊唔聲唔聲造出正賽連續七場不敗（六勝一和），成績比同期嘅曼城還要好。

12/04/2025 22:00 白禮頓(英超9) vs 李斯特城(英超19)

李斯特城八場聯賽全敗兼冇入球（0:21），球員年代身為鋒霸嘅教練Van Nistelrooy已經盡失民心。李城今場再輸而狼隊贏波嘅話，護級就只剩低數字上嘅可能。

12/04/2025 22:00 諾定咸森林(英超3) vs 愛華頓(英超15)

森林正賽連續六場不敗後輸俾維拉，主場出擊將有助重拾信心。愛華頓上星期只能同稍有保留嘅阿仙奴踢成平手，埋門質素較低就唯有靠穩健防守補救。

12/04/2025 22:00 修咸頓(英超20) vs 阿士東維拉(英超7)

維拉歐聯八強首回合作客輸俾巴黎聖日耳門雖敗不辱，作客面對提前七輪篤定降班嘅修咸頓仍有優勢。修咸頓嚟到降班先嚟炒教練，估計新教練Rusk除咗肯俾機會副選之外都好難大帶嚟啲咩新元素。

13/04/2025 00:30 阿仙奴(英超2) vs 賓福特(英超12)

阿仙奴之前64個直接自由球只入得一個。防中Rice如今喺歐聯對皇馬一炮雙響，對自己以至全隊都帶嚟好大鼓舞。賓福特今季作客前列球隊成績唔好，就算阿仙奴要為歐聯次回合留力都仍有一定優勢。

13/04/2025 21:00 車路士(英超4) vs 葉士域治(英超18)

車路士近期攻力下降，上星期作客賓福特更係互交白卷。教練Maresca認為係頻繁賽程迫佢無奈要玩輪換，例如剛剛嘅星期四車路士半力遠征波蘭打歐霸，真正核心嗰批球員仍係需要同行。

13/04/2025 21:00 利物浦(英超1) vs 韋斯咸(英超16)

轉入最後直路嘅利物浦近四場正賽輸足三場，上星期輸富咸可見後防不論個人能力以至溝通默契都表現得唔好，教練Slot喺鞭策球員重新集中之餘亦需要自己再評估番有咩應變方法係work。韋斯咸喜獲前鋒Füllkrug傷癒復出，第二場後備上陣對般尼茅夫即刻有助攻。

13/04/2025 21:00 狼隊(英超17) vs 熱刺(英超14)

狼隊踢出三勝一和，相信就快可以護級上岸。熱刺贏修咸頓前聯賽戰績只係一和三負，星期四更係要先喺主場同法蘭克福踢歐霸互撼。

13/04/2025 23:30 紐卡素(英超5) vs 曼聯(英超13)

15/04/2025 03:00 般尼茅夫(英超10) vs 富咸(英超8)

般尼茅夫近兩個月只能做到兩和四負，上星期賽和韋斯咸之後，出戰歐洲賽嘅機會已經低咗好多。今場攻中J. Kluivert如果趕及傷癒復出，將有助球隊再次振作。

大數據預測中心