06/04/2025 曼聯 vs 曼城

足球資訊 | 英格蘭超級足球聯賽(2024/25) | 發布日期: 06/04/2025

比賽日期	主隊	客隊	主勝機率	和局機率	客勝機率
2025-04-06 23:30	曼聯	曼城	18.1 %	21.3 %	60.6 %

主勝機率	和局機率	客勝機率
18.1%	21.3%	60.6%

排名: 英超(13) vs 英超(5)

直播資訊: Now 611/621, NowE

曼聯經歷兩勝兩和後，星期四作客輸俾森林完成今季主客「被雙殺」維持排名13，嚟緊呢場曼市打比稱之為褪色大戰亦不為過，不過曼城繼絕對主力夏蘭特（Erling Haaland）受傷後再有迪布尼（Kevin De Bruyne）確認季尾離隊，場波一下子又獲賜流量密碼，亦提醒筆者曼聯首循環作客曼城其實係贏咗2:1（雖則賽前賽後輸足五場）。

早已心不在焉嘅迪布尼公佈完季走人對曼城反係好事，嚟緊更大挑戰就只在於要面對夏蘭特長期不在陣嘅苦惱。據曼城主帥哥迪奧拿所講，今季聯賽已入21球嘅「夏撚」將缺陣五至七個禮拜，對於仍要競逐足總盃與及爭取重返歐聯席位嘅曼城打擊唔細。呢個時候，曼城冬窗重手簽入馬莫殊（Omar Marmoush，圖右）就顯得十分之有先見之明。馬莫殊自從一月加盟曼城，已經取得五個英超聯賽入球，上星期日足總盃八強亦係由佢射入2:1奠勝。馬莫殊本身能夠喺前鋒線上靈活變換位置，嚟緊好大機會從夏蘭特嘅後備、拍檔再蛻變成為替代者，一般相信佢會孭得起呢個重責。

另一方面，主隊曼聯近期表現繼續令人不勝唏噓。星期二佢哋面對善守嘅森林無從入手，最終更以0:1落敗，教練阿摩廉賽後已經表示球隊喺後方冇料到，擔心同一弱點面對曼城時會俾對手加以利用。更令人無奈係當曼聯久攻森林不下，臨完場阿摩廉竟然係召喚中堅麥佳亞（Harry Maguire，圖左）落場充當中鋒「死頂」，曼聯中前場配置失效導致進攻啞火嘅死症再一次表露無遺。相比之下，曼城今季有幾反覆都叫做多幾張牌在手，就算馬莫殊表現不似預期仍有右翼沙維奧（Savinho）可供調度，就連做咗御用閒人、做咗一輪meme主角嘅左翼基亞利殊（Jack Grealish），亦剛喺星期三對李城一役中打破16個月以來嘅聯賽入球荒。而曼聯呢邊因傷錯過13場聯賽嘅攻中曼治（Mason Mount），則只係剛開始為重新入局而努力。

分類:

足球資訊

06/04/2025 曼聯 vs 曼城

分類:

標籤:

關於我們:

快速連結:

聯絡我們: