26/12/2024 車路士 vs 富咸

足球資訊 | 英格蘭超級足球聯賽(2024/25) | 發布日期: 25/12/2024

比賽日期	主隊	客隊	主勝機率	和局機率	客勝機率
2024-12-26 00:46	車路士	富咸	49.0 %	25.8 %	25.2 %

主勝機率	和局機率	客勝機率
49.0%	25.8%	25.2%

排名: 英超(2) vs 英超(9)

球賽推介: 富咸讓球 [+1/+1.5]

正當歐洲其他聯賽球員放緊聖誕新年假之時，英超快車期就開始。今個星期嘅西倫敦打吡戰，車路士同富咸兩隊上場聯賽都賽和0:0。車路士錯失成為英超聖誕冠軍嘅機會，但今季已經證明咗佢哋有爭冠嘅本錢。領隊馬利斯卡每次被問及爭標問題，都堅持話球隊未夠班，以為球員減壓。對手富咸今季成績有進步，喺前半版上上落落，對戰強隊亦不顯弱勢。

車路士喺上場聯賽和愛華頓，結束各項賽事八連勝嘅紀錄，亦係佢地喺近16場聯賽中首次零入球。儘管如此，車路士以極佳嘅狀態壓到利物浦成為十一二月聯賽得分最多嘅球隊，近況冠絕英超。今季車路士攻守轉換迅速，攻力亦毋庸置疑，尼哥拉積遜（Nicolas Jackson)聯賽主場19場入15球，對倫敦打吡對手亦特別醒神，有11入球2個助攻。高爾彭馬(Cole Palmer)2024年喺聯賽總共入咗25球，只係少賀蘭特(Erling Haaland)1球。喺馬利斯卡執教下，車路士唔止踢出自己嘅風格，佢亦成功執好「兩隊波」，以往被認為人才過盛，今季一拆二令聯賽歐洲賽兩邊戰線都交出成績，球員得到充分時間休息，比其他爭標對手有利。

富咸目前排第九，17場聯賽得25分，已經係球會嘅紀錄。近期狀態相對穩定，聯賽已經保持5場不敗(1勝4和)，雖然上場對修咸頓，只能打和0:0，今季先後賽和倫敦打吡對手熱刺同阿仙奴，對利物浦時富咸嘅機動性踢法同防守紀律亦顯出佢哋嘅韌力。球隊助攻王左閘羅賓遜(Antonee Robinson)係進攻上係不可或缺嘅一員，佢今季已經有6個助攻，僅次於沙拿(Mohamed Salah)同薩卡(Bukayo Saka)。

車路士主場對富咸表現相當強勢，保持19場聯賽不敗(12勝7和)，加上近期勢不可擋，富咸拆禮物日要作客「拆車」恐怕有點難度。

分類:

足球資訊

26/12/2024 車路士 vs 富咸

分類:

標籤:

關於我們:

快速連結:

聯絡我們: