03/02/2025 阿仙奴 vs 曼城

足球資訊 | 英格蘭超級足球聯賽(2024/25) | 發布日期: 02/02/2025

比賽日期	主隊	客隊	主勝機率	和局機率	客勝機率
2924-02-03 00:30	阿仙奴	曼城	28.4 %	25.5 %	46.1 %

主勝機率	和局機率	客勝機率
28.4%	25.5%	46.1%

排名: 英超(2) vs 英超(4)

曼城同阿仙奴每次交鋒都激戰連場，首循環阿仙奴作客曼城，領先2:1後托沙(Leandro Trossard)被逐出場，打少一個嘅阿仙奴退守至補時階段被史東施(John Stones)追和2:2，九十分鐘內刺激緊張峰迴路轉，完場後更充滿火藥味，上演一幕賀蘭(Erling Haaland)叫阿迪達stay humble事件，其後曼城就好似撞邪咁，狀態成績都一落千丈，原因當然同洛迪靴蘭迪斯(Rodri)喺呢場重創收咧有關，但波係圓嘅，球場上乜嘢都可以發生，保持謙虛努力作戰先係王道。星期日大戰前，阿迪達回應當日賀蘭嘅言論，明白球場上會出現情緒，唔認為言論係針對自己。

阿迪達表示喺冬季轉會窗，遇到啱嘅球員就會補強。一直尋找劊子手，到周中終於出手，希望從維拉搶走奧利屈堅斯(Ollie Watkins)，被拒絕後傳聞仍未死心。上場對狼隊路易斯史基利(Myles Lewis-Skelly)踢跌對手領紅，賽後輿論幾乎一致認為判決過嚴，最後足總推翻紅牌，嚟緊有機會正選上陣。另一小將年僅17歲旺拿尼(Ethan Nwaneri)近期亦表現搶鏡，今季各項賽事已經入咗6球，首次歐聯正選上陣亦有入球，並成為最佳球員。年紀輕輕，控傳策動攻勢同單對單，踢法已經帶師兄蕯卡(Bukayo Saka)影子。傷兵方面，正選門將拉也(David Raya)肌肉受傷，上陣成疑。

曼城上場聯賽3:1贏車路士，周中歐聯又有驚無險先失一球下，反勝布魯日3:1晉身附加賽。儘管要鬥到尾場，賽前哥迪奧拿就未驚過，堅信曼城會贏波，唔多唔少反映咗佢對球隊狀態嘅信心。轉會窗重點收購嘅新前鋒馬莫殊(Omar Marmoush)今季喺法蘭克福各項賽事20入球13助攻，喺歐洲五大聯賽中，數字僅次於佢師兄沙拿(Mohamed Salah)。佢喺英超地標戰展示速度同活力，個人突破能力等令人眼前一亮。主力科頓(Phil Foden)最近亦重拾狀態，一月份6次中龍射門全部入網，係英超本月份入球最多(6)球員。

曼城近期低位反彈，首個目標係要企穩前四，近6場聯賽4勝2和，聖誕之後嘅近況計只排紐卡素之後，喺聯賽榜徐徐上升到第四位，今場將會帶住強勁氣勢作客酋長球場。

分類:

足球資訊

03/02/2025 阿仙奴 vs 曼城

分類:

標籤:

關於我們:

快速連結:

聯絡我們: