13/04/2025 拜仁慕尼黑 vs 多蒙特

足球資訊 | 德國甲組足球聯賽(2024/25) | 發布日期: 12/04/2025

比賽日期	主隊	客隊	主勝機率	和局機率	客勝機率
2025-04-13 00:30	拜仁慕尼黑	多蒙特	69.3 %	16.9 %	13.9 %

主勝機率	和局機率	客勝機率
69.3%	16.9%	13.9%

排名: 德甲(1) vs 德甲(8)

直播資訊: Now 639, NowE, beIN Sports

拜仁慕尼黑、多蒙特雙雙喺歐聯八強首回合打敗仗：德甲第一拜仁主場1:2不敵意甲第一國際米蘭，而多蒙特更喺魯營俾巴塞隆拿大炒四蛋，呢這兩場比賽的結果無疑好傷雙方士氣，亦對接下來呢場褪色「德國打比」起咗微妙嘅影響。

多蒙特在對巴塞的比賽中遭遇重創，好大原因係中堅舒洛達碧克賽前發現傷勢重到係要提前收咧。舒洛達碧克本人並未稱得上發展完成，但佢加盟多仔以嚟不論係防守上抑或領軍上都發揮到好大作用。佢咁樣一傷，幾乎令教練尼高高華近期轉打三後衛取得嘅成果一鋪清袋，加上防中柏斯高哥斯（Pascal Gross）歐聯要停一場，喺過度追求彌補防守缺口之下砌出個接近4-5-1嘅保守陣容打巴塞，為進攻失靈招致大敗埋下伏線。番到德甲賽場有番哥斯可用，多蒙特應可以嘗試踢番自己更為習慣嘅一套，亦可以考慮同時派有態嘅比亞（Maximilian Beier）及古拉斯（Serhou Guirassy）打雙箭頭。

相比之下，拜仁雖然近期傷兵滿營，但主場輸俾國米就有一定程度係黑氣作祟。當國米半隊正選踢過德甲，當中更有柏華特、桑馬兩個重要舊部，拜仁空有過半控球比率無奈多次失機、中框，辜負咗xG 2.3嘅期望值。拜仁番到德甲主場大概唔會再出現閘位球員拉菲爾古里路（Raphael Guerreiro）改打攻中嘅奇景，反而係場外有更多大小事項或會令教練甘賓尼分心：落後六分嘅利華古遜盡最後努力，今晚9點半頭場對柏林聯（Now 639, NowE, beIN Sports直播）大有機會派遣剛傷癒嘅穫斯上場搏殺。按牌面計，主場嘅拜仁點都係比蜜蜂兵團睇高一線，而呢場Der Klassiker又放咗喺同日尾場，甘賓尼大可以睇完利華對柏林聯嘅賽果再決定需唔需要全力爭勝（畢竟下週中要追平甚至反超國米唔係易，但又並非全無可能）。

與此同時，多蒙特亦有自己嘅盤算：多仔就算不理好醜、下季歐協聯入場券都照殺，條數暫時仍係需要追多三分先可以擠走上星期手下敗將弗賴堡、與及下星期嘅對手慕遜加柏，加上下週中嘅歐聯次回合幾乎等同已放入雪櫃，今場嘗試喺有較多顧慮嘅拜仁身上開始搶分反而似係更為合理，反正已經冇乜嘢好輸，問題就在於俾拜仁炒過魷魚嘅高華是否願意不惜一切放手一搏。

預計兩隊正選陣容：
【拜仁慕尼黑】
Urbig - Laimer, Dier, Kim, Stanisic - Kimmich, Joao Palhinha - Olise, T. Müller, Gnabry - Kane

【多蒙特】
Kobel - Can, Anton, Bensebaini - Adeyemi, Brandt, Gross, Ryerson - Chukwuemeka - Guirassy, Beier

分類:

足球資訊

13/04/2025 拜仁慕尼黑 vs 多蒙特

分類:

標籤:

關於我們:

快速連結:

聯絡我們: