16/03/2025 RB萊比錫 vs 多蒙特

足球資訊 | 德國甲組足球聯賽(2024/25) | 發布日期: 15/03/2025

比賽日期	主隊	客隊	主勝機率	和局機率	客勝機率
2025-03-16 01:30	RB萊比錫	多蒙特	50.5 %	23.7 %	25.9 %

主勝機率	和局機率	客勝機率
50.5%	23.7%	25.9%

排名: 德甲(6) vs 德甲(10)

直播資訊: Now 639, NowE, beIN Sports

RB萊比錫近期表現持續令人失望，過去八場聯賽只拎到九分（二勝六和一負，當中有三場係0:0），上星期同弗賴堡賽和0:0後繼續停留喺第6名，由沙維西蒙斯（Xavi Simons）、奧賓達（Lois Openda）、錫斯高（Benjamin Sesko）組成嘅進攻線全無斬獲，表現陷入新低點。雖然小道消息話高層暫時唔會對教練馬高路斯下手，但與此同時又有個「熱門繼任人」浮上水面，佢就係史特加嘅S漢尼斯。馬高路斯都咪話唔驚，今場對多蒙特如果有咩衫長褲短，接下來兩星期嘅國際賽假期就足以令好多事情發生。

客隊多蒙特則陷入另一怪圈之中，德甲佢哋係遇強即輸、遇弱都有時會輸，但一出到歐聯就醒神，近五場踢出三勝二和，剛喺星期三就克服到首回合賽和嘅劣勢客場贏番里爾晉級八強。而巧合嘅係，自尼高高華執教以嚟，聯賽常用嘅左右兩閘賓斯拜尼（Ramy Bensebaini）、恩古圖（Yan Couto）喺歐聯戰線嘅出場時間就少好多，睇嚟尼高高華都隱約聞到伏味，只係礙於人力資源嘅限制而需要進行輪換。就以剛剛呢場歐聯生死戰為例，當借用嘅左閘丹尼爾史雲遜開始有啲貢獻就受傷，尼高高華係寧願叫右閘拉亞臣（Julian Ryerson）再度客串左閘、隊長安利簡（Emre Can）繼續留守右中堅、然後安排未喺多蒙特踢過右閘嘅中堅安頓（Waldemar Anton）頂住右路，都唔願意放賓斯拜尼、恩古圖做正選，可見呢兩位係幾咁「重要」。有見多仔近三年作客RB都係輸晒，下季飯碗未secure嘅尼高高華會否趁放break前將歐聯贏里爾呢套Winning XI鍊盡照用多一次？咁就好視乎各人喺歐聯賽後嘅恢復程度喇。

預計兩隊正選陣容：
【RB萊比錫】
Gulacsi - Geertruida, Orban, Bitshiabu - Baku, A. Haidara, Vermeeren, Raum - Xavi - Sesko, Openda
【多蒙特】
Kobel - Anton, Can, N. Schlotterbeck, Ryerson - Sabitzer, Gross - Adeyemi, Brandt, Beier - Guirassy

分類:

足球資訊

16/03/2025 RB萊比錫 vs 多蒙特

分類:

標籤:

關於我們:

快速連結:

聯絡我們: