德甲賽前分析(25/01/2025-27/01/2025)

足球資訊 | 德國甲組足球聯賽(2024/25) | 發布日期: 24/01/2025

德國甲組足球聯賽(2024/25) - 第19週(25/01/2025-27/01/2025)賽前分析

更新日期:2025-01-24

25/01/2025 03:30 禾夫斯堡(德甲7) vs 基爾(德甲17)

禾夫斯堡原有前鋒Amoura對住拜仁都可以梅開二度，新買嘅Skov Olsen亦都躍躍欲試，基爾隊長則遇著中場Holtby停賽。

25/01/2025 22:30 多蒙特(德甲10) vs 雲達不來梅(德甲9)

雲達新一年踢3場已經失咗9球，教練Werner強調要重拾專注、踢番出季初嘅水平。多蒙特喺歐聯輸波後，教練Nuri Sahin一如所料無得留低，U23教練臨時接手睇怕好難即時改變到啲乜。

25/01/2025 22:30 弗賴堡(德甲8) vs 拜仁慕尼黑(德甲1)

弗賴堡接連兩場都係失四粒波，同拜仁嘅德甲對賽亦已經連續17場不勝牌面輸晒。週中歐聯輸波嘅拜仁想要出氣嘅話，臨場就要睇後防能否中和多面手Laimer停賽帶來嘅影響。

25/01/2025 22:30 奧格斯堡(德甲12) vs 海登咸(德甲16)

歇冬買人開心咗一陣子嘅海登咸未能乘勇取下同級對手聖保利，面對剛剛先至客勝解鎖嘅奧格斯堡就更顯得處於下風。

25/01/2025 22:30 緬恩斯(德甲6) vs 史特加(德甲4)

緬恩斯已經兩連敗，前鋒Burkardt再度受傷成隊波即刻downgrade。客隊史特加幾經艱辛殺番入歐聯附加賽區，肯定要留力下週中大戰PSG 德甲，攻中Millot今仗停賽變相幫教練諗埋點樣輪換。

26/01/2025 01:30 慕遜加柏(德甲11) vs 波琴(德甲18)

慕遜加柏連輸三場但有兩場係輸俾拜仁、利華，上半季嚟講分數亦都達標，未至於好傷士氣。波琴上場追平RB萊比錫振奮到軍心，可惜係中場Bero儲夠五張黃牌需要停賽。

26/01/2025 22:30 賀芬咸(德甲15) vs 法蘭克福(德甲3)

兩隊都喺星期四踢咗歐霸。法蘭克福8千萬歐羅賣走前鋒Marmoush會另找代替品，暫時嚟講唔會有太大缺口，反而賀芬咸中場希望Bischof俾拜仁提前book定，全隊士氣進一步受挫，移後踢攻中嘅Kramaric公開批評球隊現況，即俾高層捉入房照肺。

27/01/2025 00:30 聖保利(德甲14) vs 柏林聯(德甲13)

Baumgart用番前任教練Svensson嘅後衛陣勢贏咗緬恩斯，今場人腳更齊未知會唔會又要轉回後面放四個。對面長期唔夠人嘅聖保利今場又有主力中堅Smith停賽，形勢更為惡劣。