20/04/2025 阿士東維拉 vs 紐卡素

足球資訊 | 英格蘭超級足球聯賽(2024/25) | 發布日期: 18/04/2025

比賽日期	主隊	客隊	主勝機率	和局機率	客勝機率
2025-04-20 00:30	阿士東維拉	紐卡素	47.6 %	23.2 %	29.2 %

主勝機率	和局機率	客勝機率
47.6%	23.2%	29.2%

排名: 英超(7) vs 英超(3)

下季英超歐聯五個席位爭崩頭，阿士東維拉同紐卡素，兩隊近況大勇嘅球隊都對歐聯一席虎視眈眈。維拉喺周中同巴黎聖日耳門上演左一場激情澎湃嘅歐聯之戰，勝利不足以扭轉大局。對手紐卡素自捧聯賽盃之後，球員誓要令今季有個完美結局。兩隊實力接近，呢場將會係非常可觀嘅賽事。

維拉喺歐聯首回合落後兩球，返到主場一開始就採取主導，比對手兩個反擊入到2:0，以為大勢已去，但球員冇放棄壓迫踢法連追三球。當晚踢到曉飛嘅華舒福(Marcus Rashford)係全場製造機會最多嘅球員，除咗扭入禁區交俾干沙(Ezri Konsa)射入反勝一球，佢嘅速度同遠射腳頭都令對手後防疲於奔命。喺屈堅斯(Ollie Watkins)入替佢之後，維拉個勢隨即𨍭弱。自「福仔」開始為維拉上陣，所有賽事計，只有佢前隊友般奴費蘭迪斯製造機會次數(40)比佢(27)多，助攻次數(5)亦係全英超最多，難怪屈堅斯失寵。維拉要下季再踢歐聯，就只能努力爭取前五，艾馬利堅持踢單箭頭嘅情況下，預計仍然會對踢到着晒火嘅華舒福投信任一票。

紐卡素嘅主帥艾迪賀維因肺炎入院缺席兩場，嚟緊仍會繼續休息。主帥缺陣無損氣勢，兩場主場4:1贏曼聯，5:0贏水晶宮，勢不可擋，聯賽排名升上第三，只係落後阿仙奴四分，各項賽事六連勝。哥頓(Anthony Gordon)停賽養傷期間，哈菲班尼斯(Harvey Barnes)以出色表現搶咗左翼嘅位置，上星期對曼聯梅開二度，周中對水晶宮又入一球一助攻，而同樣係腳風好順，又係入球助攻各一嘅積及梅菲(Jacob Murphy)近五場都有建樹。

首循環紐卡素主場贏3:0，同樣係主場氣勢強勁嘅維拉，近25場主場只係輸過1場，近18場不敗。PSG喺周中已經領教過維拉公園球場嘅威力，兩隊雖然都勢頭強勁，有主場球迷支持嘅維拉將會佔優。

分類:

足球資訊

20/04/2025 阿士東維拉 vs 紐卡素

分類:

標籤:

關於我們:

快速連結:

聯絡我們: