16/03/2024 達斯泰特 vs 拜仁慕尼黑

足球資訊 | 德國甲組足球聯賽(2023/24) | 發布日期: 16/03/2024

排名: 德甲(18) vs 德甲(2)

直播資訊: Now 639, NowE

今屆回歸德甲嘅達斯泰特最近經歷連續18場不勝，自第14週已開始坐穩榜尾，前一週主場俾奧格斯堡重創6:0更係傷盡擁躉嘅心。達斯泰特資源有限，球員資質亦係有限，當目標就得番護級嘅時候（開波前距離有得踢附加賽嘅第16名只差5分），佢哋當下要加緊備戰嘅對象就唔會係今晚嘅拜仁慕尼黑，而係之後兩場嘅直接競爭對手波琴與及緬恩斯。

喺大敗俾奧格斯堡之後，達斯泰特球隊上下終於醒覺問題係有幾大。教練利巴列特喺上星期作客RB萊比錫時更係破天荒一口氣換咗7個正選，希望提供更多落場機會刺激一班後生球員爭取表現。達斯泰特面對RB萊比錫上半場幾乎冇任何似樣攻勢，以0:2結束比場，但相信球員、教練睇到隊波大執後踢番出韌性同戰意，作客前列分子僅負兩球就唔需要太過介意。

拜仁慕尼黑上季對達斯泰特不論主客都係僅勝1:0見好就收，今季首循環就因為雙方合共食咗3面紅牌而出現較多變數，達斯泰特長時間打少一人全程捱打吞足八蛋都無話可說。講到八蛋，剛剛上星期拜仁歐聯過關後搵咗陣容超殘嘅緬恩斯消消氣，入夠八個一皮平衡番近月來嘅種種壓力。已經一身鬆晒嘅拜仁作客嚟到球場硬件一般嘅達斯泰特主場，與其再嚟一次盡數，倒不如睇定嚟踢更加實際。

預計兩隊正選陣容：

【達斯泰特】
Schuhen - Skarke, Klarer, Maglica, Karic - Franjic, Holland - Justvan, Holtmann - Vilhelmsson, Polter

【拜仁慕尼黑】
Neuer - Kimmich, de Ligt, Dier, Guerreiro - Pavlovic, Goretzka - Sané, Müller, Musiala - Kane

喺大敗俾奧格斯堡之後，達斯泰特球隊上下終於醒覺問題係有幾大。教練利巴列特喺上星期作客RB萊比錫時更係破天荒一口氣換咗7個正選，希望提供更多落場機會刺激一班後生球員爭取表現。達斯泰特面對RB萊比錫上半場幾乎冇任何似樣攻勢，以0:2結束比賽，但相信球員、教練睇到隊波大執後踢番出韌性同戰意，作客前列分子僅負兩球就唔需要太過介意。

預計兩隊正選陣容：

【達斯泰特】
Schuhen - Skarke, Klarer, Maglica, Karic - Franjic, Holland - Justvan, Holtmann - Vilhelmsson, Polter

【拜仁慕尼黑】
Neuer - Kimmich, de Ligt, Dier, Guerreiro - Pavlovic, Goretzka - Sané, Müller, Musiala - Kane

分類:

足球資訊

16/03/2024 達斯泰特 vs 拜仁慕尼黑

分類:

標籤:

關於我們:

快速連結:

聯絡我們: