29/04/2023 柏林聯 vs 利華古遜 - 賽前分析

足球資訊 | 德國甲組足球聯賽(2022/23) | 發布日期: 29/04/2023

排名: 德甲(3) vs 德甲(6)

主隊近況：WDLLW

客隊近況：WWDDW

對賽往績：柏林聯勝(1) - 和(3) - 利華古遜勝(4)

柏林聯長期守住個德甲第三，下季直闖歐聯嘅可能性已經越來越高，但對著利華古遜就始終成績爭啲，對上一次贏波要數到前年之餘，防中R.Khedira更係保持住12戰利華一場不勝嘅個人紀錄，認真尷尬。

柏林聯上星期作客慕遜加柏全取三分，作客得分已經去到破球會紀錄嘅23分（現時德甲第四高），29輪完成後失球數字更只係31，比拜仁慕尼黑還要少。踢後衛出身嘅柏林聯教練Fischer訓練時要求全民識守，只要失去控球權，場上各位置嘅球員都有特定任務，確保對手唔會咁容易滲入自己後場。呢種打法需要全場球員不斷跑動拼搶，講到呢度就不得不提面柏林聯平均每場跑動距離係超過118公里（只係低過科隆）。喺呢種打法之下柏林聯平均每場只係俾到對手4.7次射門機會，只有拜仁、RB萊比錫、禾夫斯堡可以做得更好。

要破解呢種機動化打法，利華古遜嘅選擇就係維持本色，同柏林聯鬥跑。上面講到柏林聯今季嘅防守極為穩固，而全季大失準嘅正係歇冬前俾利華古遜大炒嗰一場5:0。不嬲靠快攻得分、甚至俾人覺得有前冇無嘅利華古遜嚟到球季後段，安排上季從柏林聯來投嘅防中Andrich客串後衛、甚至中堅。呢種靈活安排不止利華古遜嘅部署提供更多彈性，利華喺歐霸八強次回合作客後三日就要硬撼RB萊比錫，喺靈魂人物Wirtz因腸胃炎缺陣之下竟然可以清脆利落淨勝2:0，都令外界對利華古遜衝擊聯賽榜更高排名有更大信心。

利華古遜歐霸四強要對羅馬，但畢竟都係個幾星期之後嘅事，下場聯賽就算係迎戰死敵科隆亦都擁有主場之利，而今場喺Wirtz落場成數未知嘅情況下，相信仍可以出全力同柏林聯力拼。主隊柏林聯主力前鋒Behrens坐波監，前面Becker今場嘅拍檔如無意外都會改由Jordan擔任。參考柏林聯慣常打法，今場面對氣勢正盛嘅利華古遜首要係踢得番本來嘅高效拼搶同防守意識，能夠得分嘅話距離歐聯之夢又踏前多一步。

預計兩隊正選陣容：

【柏林聯】
Rönnow - Doekhi, Knoche, Diogo Leite - Juranovic, R.Khedira, Roussillon - Thorsby, Haberer - Becker, Jordan

【利華古遜】
Hradecky - Tapsoba, Tah, Hincapie - Frimpong, Andrich, Demirbay, Bakker - Diaby, Wirtz, Adli