11/12/2024 利華古遜 vs 國際米蘭

足球資訊 | 歐洲聯賽冠軍盃(2024/25) | 發布日期: 10/12/2024

比賽日期	主隊	客隊	主勝機率	和局機率	客勝機率
2014-12-11 04:00	利華古遜	國際米蘭	20.7 %	18.9 %	60.3 %

主勝機率	和局機率	客勝機率
20.7%	18.9%	60.3%

排名: 德甲(3) vs 意甲(3)

球賽推介: 入球大細 2.5大

歐聯進入第六輪，利華古遜將於主場迎戰國際米蘭，呢場係兩隊直接晉級淘汰賽階段嘅關鍵之戰。利華古遜現時喺聯賽榜有10分排第六，而國際米蘭排第二13分。根據Opta數據預測，攞倒16分就有98%機會進入前八名，直接晉級十六強。

利華古遜近期狀態火熱，近五場比賽全勝，喺德國盃以十六強1:0 淘汰拜仁慕尼黑令士氣大振，聯賽亦逐漸回穩，連勝三場升上第三。佢哋喺歐聯總入球達到11球，失球僅5球，可算係攻守平衡。利華作客利物浦以0:4敗退後，主場5:0大數薩爾斯堡重建軍心。主力域斯(Florian Wirtz)歐聯已經有5個入球，由於邦尼菲斯 (Victor Boniface)仍然養傷，如果舒希克(Patrik Schick)未趕及復出，域斯極可能以偽9號角色作為鋒線最關鍵人物。

國際米蘭今次就以強勢作客，各項比賽已經13場不敗，聯賽排名第三，今季只係輸過一場，就係利華古遜喺歐聯贏1:0嘅AC米蘭。國米今季喺歐聯仍然保持不敗，取得四勝一和，一球不失，包括三場1:0，一場4:0，同一場0:0，防守非常穩固。上星期五主場3:1贏帕爾馬後，聯賽已經有一半場次係入三球或以上，攻力亦唔野少。隊中不乏前德甲兵，包括前慕遜加柏門神森馬(Yann Sommer)，加盟國米以來，佢喺歐聯有75%場次保持清白之身，另外2014/17年效力利華古遜嘅中場死球專家查漢洛路(Hakan Çalhanoğlu)，係今季歐聯搶回控球權最多嘅球員。

利華古遜今季聯賽失球數字已經達20，只係比上季全季少4球，無可否認，今季嘅利華確實係比上季失色，面對有前有後嘅國米，主場全取三分亦唔容易。

分類:

足球資訊

11/12/2024 利華古遜 vs 國際米蘭

分類:

標籤:

關於我們:

快速連結:

聯絡我們: