利物浦對利華古遜，沙比阿朗素將重返晏飛路。「沙比」係利物浦2005年歐聯捧盃功臣之一，深受球迷愛戴。曾經係接替高普嘅最熱門人選，最後佢決定留隊，利物浦就揾咗史洛，沙比留任對雙方黎講似乎係最理想嘅結果。史洛帶領利物浦歐聯3戰3勝(歐聯榜排第二)而沙比阿朗素就2勝1和(排第六)，兩隊只相差2分。雙利之戰原為上季歐霸決賽夢幻戲碼，可惜利物浦對阿特蘭大被逼落馬，而利華最後亦被同一對手粉碎歐霸冠軍之夢。

 

利華古遜喺歐聯先後贏飛燕諾同AC米蘭，兩隊都未能攻入利華古遜大門，只有上場對比斯特失球最後打和1:1。「沙比」賽後話喺歐聯作客攞1分都未嘗係壞事，第二場作客就係佢期待嘅倒戈戰。沙比形容「冇任何事情比晏飛路歐戰之夜更美好」。喺沙比帶領下，利華古遜係呢兩季喺歐洲賽贏波同入波最多嘅球隊。今季兩場作客，穫斯 (Florian Wirtz)都有入球，佢嘅歐聯地標戰利華大炒飛燕諾時更梅開二度。近期利華未見上季氣勢，上場聯賽狂攻史特加，最後只能打和0:0，呢場已經係連續第2場賽和，現時德甲排名第四。

 

利物浦上星期六主場，由沙拿(Mohamed Salah)射入反勝白禮頓2:1，令利物浦重上聯賽榜首。沙拿仍然係利物浦鋒線上最可靠嘅球員，佢近5場歐聯主場都有入球。輕取博洛尼亞2:0一役，沙拿更有1入球1助攻。上杖歐聯作客對萊比錫，就憑紐尼斯一箭定江山，利物浦3戰3勝，喺歐聯榜僅得失求差不及同係英超嘅阿士東維拉。

 

歐洲賽主場出戰，球迷嘅支持有如第十二人。晏飛路主場氣勢如虹，沙比回歸要全取三分，就要先過主埸球迷一關。

 

預計兩隊正選陣容：

利物浦

Kelleher - Alexander-Arnold, Gomez, Van Dijk, Robertson - Gravenberch, Mac Allister - Salah, Jones, Luis Díaz - Núñez

 

利華古遜

Hradecky - Tapsoba, Tah, Hincapie - Frimpong, Xhaka, Andrich, Grimaldo - Hofmann, Wirtz - Boniface