2023年決賽冠軍戲碼只係過咗一年多啲就再次上演：英超曼城再遇意甲代表國際米蘭，兩隊開季至今不敗嘅球隊今晚會師曼市伊蒂哈德球場。

作客嘅國際米今夏重大收購除咗計落只係得拿玻里過檔嘅中場施連斯基（Piotr Zieliński）與及伊朗前鋒泰尼米（Mehdi Taremi），兩位暫時都未喺新球隊站穩陣腳，隊長前鋒拿達路馬天尼斯（Lautaro Martinez）開季至今仍未開齋，入波重任落晒喺佢拍檔馬古斯杜林（Marcus Thuram）身上。國米話就話聯賽4場不敗位列意甲第2，數落就只有其中一場大炒應屆歐霸冠軍阿特蘭大較有說服力。

反觀曼城前鋒火力就強到冇朋友，神鋒夏蘭特（Erling Haaland）開咧至今4場入9球，今季新加盟嘅翼鋒沙維奧（Savinho）未有入球但都已有兩個助攻落袋。曼城短期內嘅煩惱都只係幸福嘅煩惱，一系列嘅中前場塞車自從根度簡（İlkay Gündoğan）漫遊巴塞隆拿一季回歸而變得更為複離，上星期聯賽主場嘗試輪換對賓福特，一開波就意外落後，幸有狀態火熱嘅夏蘭特梅開二度，協助曼城保持開季四場全勝。曼城嘅人選或許仍有變數，但有去年歐聯決賽嘅往績支持，踢主場心理上會較有優勢。

相關內容:

---