德甲賽前分析(26/04/2025-28/04/2025)

足球資訊 | 德國甲組足球聯賽(2024/25) | 發布日期: 26/04/2025

26/04/2025 02:30 史特加(德甲11) vs 海登咸(德甲16)
史特加仍想爭取喺聯賽出線歐洲賽，嚟緊兩場對下游球隊需要全勝。海登咸面對頭三名全部輸晒，較務實嘅目標能下調為爭取打護級附加賽，但前線Honsak、Zivzivadze未及傷癒復出攻力難以恢復。

26/04/2025 21:30 利華古遜(德甲2) vs 奧格斯堡(德甲10)
利華衛冕機會渺茫得嚟又已經拎咗歐聯入場券，教練沙比、攻中Wirtz未知去向就先有中堅Tah公布季尾走人，全隊上下缺乏目標。奧格斯堡2025年德甲作客成績係五勝三和不敗，再無護級壓力或會帶嚟驚喜。

26/04/2025 21:30 拜仁慕尼黑(德甲1) vs 緬恩斯(德甲6)
拜仁歐聯出局後大炒海登咸消消氣，球隊上下應已集中力量幫Kane爭取第一冠。緬恩斯近五場只俾到三和兩負嘅跌watt表現，似乎一度燃起嘅歐聯夢反而拖垮咗隊波。

26/04/2025 21:30 賀芬咸(德甲15) vs 多蒙特(德甲7)
雙方皆有中場主力缺陣（Bischof停賽、Gross受傷），上場傷出嘅多蒙特前鋒Beier亦都狀態成疑，基本上已排除正選倒戈嘅可能。

26/04/2025 21:30 禾夫斯堡(德甲12) vs 弗賴堡(德甲5)
弗賴堡距離歐聯區只爭一分，主帥Schuster強調球隊將全力爭取。禾夫斯堡連輸四場後僅能臨完場追平緬恩斯，球隊雖然已冇降班壓力，但教練Hasenhüttl下季張糧票仍未穩揸。

27/04/2025 21:30 基爾(德甲18) vs 慕遜加柏(德甲9)
慕遜加柏面對直接競爭對手弗賴堡、多蒙特冇晒六分，極需要靠贏榜尾嘅基爾止血。基爾一次過冇晒兩個正選中堅Komenda（重傷收咧）同Zec（腦震盪），防務百上加斤。

28/04/2025 21:30 波琴(德甲17) vs 柏林聯(德甲13)
柏林聯驚濤駭浪咗大半季終於上岸，本應無欲無求，但首循環波琴門將遇襲被判全取三分，今場再遇復仇味濃。主隊剛再造出一次五連敗，防中Sissoko亦因兩黃一紅今場需要停賽。

28/04/2025 23:30 雲達不來梅(德甲8) vs 聖保利(德甲14)
雲達隊長Friedl傷癒復出至今連贏四場，教練Werner決定唔會公開討論下季打歐賽嘅可能性，免得打亂軍心。