Red bull 車隊係2022年大改例後推出RB-18。呢部賽車係22場分站中獲得17勝。呢個數據證明左red bull車隊係地面效應回歸f1後有幾強勢，同時好多車隊開始借鑒呢部車既設計。red bull基於舊年既RB-18，車隊今年推岀新既RB-19。

相對舊年既RB18，RB19既前翼經過重新設計，整體比舊年細。新設計既前翼中間既翼面面積減少，令到前翼所產生既下壓力減少。RB-19既flooring同樣設計得較為複雜。由於現代既F1賽車係唔允許安裝側裙。車隊既設計師只可以利用floor產生漩渦，確保車底既氣流唔會流岀。RB-19既floor係唔同位置既開口產生既多組漩渦形成類似側裙既作用，令到車底Venturi tunnel 既氣動力效率更好。賽車側箱下undercut既位置比RB-18更大，提升氣流量，產生更多既下壓力，彌補底板增升15mm所造成既下壓力損失。賽車係近尾轆既位置安裝小翼，產生既下壓力有助改善車尾既穩定性。

車尾beam wing係另一個重新設計既位置。舊年RB-18既beam wing配合車尾擴散器組成類似雙層擴散器(double diffuser)既設計。新設計將兩層Beam wing改為縫翼(slat wing)設計，有助增加beam wing所產生既下壓力。

作為車隊冠軍，原本只得70%既風洞以及CFD研發時間。因為超資問題導致研發時間再被扣10%。同時考慮到今年規定底板提高15mm，造成唔少下壓力損失。不過睇來車隊冇受到太大影響。賽車係3日冬測以全日最快時間完成，睇來呢部RB-19都仲有好大優勢。