2022 F1的賽車尾翼都睇到有明顯變化。樣版車首先會留意到尾翼端板（end plates）似乎消失了——正確來說是整副尾翼變成「一體成型」，流線型的上層尾翼直接接往本來尾翼端板的位置。舊有既賽車，主要由頭、尾翼，barrage board，擴散器等部件產生下產力。而為左增加尾翼既氣動效率，端板會用來防止上方既高壓汽流流向下方。而新賽車既概念將主要產生下壓力既結構放落車底既Venturi tunnel。新尾翼就唔需要好似以往咁成為主要產生下壓力既部件。新設計能夠將車身產生既亂流引度向上，清潔空氣帶入車後的氣流，令後車受惠。上層尾翼的長度將比以往再多8厘米，達123厘米，離地高度亦由舊制的87厘米提高到91厘米。有人鐘意有人唔鐘意既DRS （Drag Reduction System）係新車中仍會保留，但因為樣版車冇示範DRS將會點操作，唯有寄望各隊公佈新車設計時再獲得更多相關作參考。尾翼的外型設計仍有好大發揮空間，但要留意昔日常見於尾翼端板的孔洞、槽位、小翼都會一律禁止。以後係雨天未必再可以見到尾翼拉岀2對漩渦。取而代之是底部beam wing既回歸。beam wing 自2014年禁止使用，佢係空氣動力學上既功用係增強再下方擴散器的吸力效果，以免賽車「偷雞」利用自己所排放的廢氣再增加下壓力(blown diffuser)。可以預見，各隊新開發出來的F1賽車看起來將會是前所未有的相似，但相信再過一段時間，各隊的設計師在熟習新規格後將會有更大發揮、找出更大的空間展現創意。不過創意還創意，新賽季將會加強尾翼測試強度，防止上季既變形情況岀現。

相關內容:

---