一級方程式底板(floor)由reference plane同step plane組成。Plank(skid block)防止車身過低改變reference plane既厚度。新既底板增強地面效應，取代接近使用左25年既平板底盤。係70年代尾80年代初，工程師增加賽車速度同時發現賽車難以控制，必需同時提升賽車既下壓力，令到賽車更加穩地。蓮花車隊既type79最早使用氣流通道，令到賽車可以緊貼地面。其他車隊同樣係之後既2,3年開始使用相似設計。不過之後因爲一連串既意外，FIA係1983年全面禁止。車底安裝plank，就係防止車身過低，過量使用地面效應。與其話FIA係2022解禁地面效應，不如話FIA允許增強地面效應既作用。因為地面效應係一種現象，只要係透過改變流體速度已改變下壓力產生就已經係使用地面效應。今次改例允許重新使用氣流通道，取代以往使用其他組件產生下壓力，減少亂流對後車既影響。

文丘里定律(Venturi effect)指出，減少空間體積，就可以增加流體速度，壓力會同時改變。氣流通道(可以稱為文丘里管)就係運用呢個原理，透過壓力差產生下壓力。唔同既車隊會有唔同既氣流通道設計。因為要配合好頭尾翼，先可以平衡分配產生既下壓力。理論上使用氣流通道，離地距離越低，下壓力系數越大。例如離地10mm，下壓力系數可達2.0，比一般機翼系數高。所以基於安全考慮，新例下底板離地不得少於50mm。防止車身過低，係車底結構被破壞時令到賽車失控。估計呢2年使用low rake 設計既平治同 Aston Martin會有小小優勢。

前翼唔再產生y250旋渦，代表唔會再由旋渦氣流由車身流向車尾，做成類似密封既效果。新例允許賽車外圍使用最多有6個支撐既邊沿翼。另外，規例限制氣流進岀口大小。質量流率(mass flow rate)越高代表空氣流量越高。咁高會再增加係氣流通道中流體既速度宜增加下壓力。所以防止車隊有空氣動力優勢，規例清楚列出進岀口大細，例如車尾既擴散器由現時既1050mm減少到750mm，高度介乎200-310mm。傳聞部分車隊已經係規則上搵到漏洞，好大機會又會岀現Brawn GP既爭議。估計2輪冬測到開季之間各隊仲會有差異。不過好難係呢短短1個月內抄其他車隊，再研發新既底板結構。