DRS可變尾翼(Drag reduction system)

 

F1賽車既尾翼由幾部分組成，包括主翼、副翼、端板。透過改變副翼既攻角，尾翼所產生既下壓力會有所改變。

 

一般而言，尾翼大約為F1賽車產生大約30%既下壓力。產生既下壓力會視乎空氣既流速，以及尾翼既攻角（AOA,Angle of attack)。為左增加下壓力，尾翼會采用較大既攻角。尾翼係產生下壓力既同時會產生阻力。產生既總阻力(Total Drag)包括寄生阻力(Parasitic drag)以及誘導阻力(Lift-Induced Drag)。

 

寄生阻力係由流體既黏度(Viscosity)/壓強差所做成既阻力，包括形狀阻力、表面摩擦力等。至於誘導阻力，係由賽車唔同位既既翼面產生下壓力既同時產生既阻力。尾翼所產生既下壓力越大，所產生既寄生阻力越大。

賽車係高速時，尾翼產生下壓力既同時會產生誘導阻力。再加上寄生阻力，會影響到賽車既速度。

 

係2011年開始，F1賽會引入可變尾翼系統(DRS)。賽道有部分直路路段會劃分成DRS路段。當賽車進入DRS路段時，通過車手啟動。尾翼既副翼會向上打開，與主翼之間組成既開口不得多於85mm。由於DRS開啟期間，副翼既攻角減少，尾翼所產生既下壓力有所減少，連帶減底尾翼所產生既寄生阻力，減低賽車既總阻力。