10/04/2024 皇家馬德里 vs 曼城

足球資訊 | 歐洲聯賽冠軍盃(2023/24) | 發布日期: 09/04/2024

排名: 西甲(1) vs 英超(3)

歐聯八強上演上季四強翻版，奪標大熱皇家馬德里同曼城，近五季歐聯已經係第四次碰頭。兩隊每次交手，入球唔少亦充滿戲劇性，贏波嗰隊最後都捧走歐聯大耳盃。作為歐聯之皇，皇馬當然明白歐洲賽主場嘅重要性。上季首回合只能主場賽和1:1，作客就慘敗0:4被踢出局，今季又再先主後客，唔想歷史重演。據報道皇馬會向歐洲足協要求將巴拿貝球場封頂，務求令場內聲勢更浩大，變成客隊地獄。安察洛堤非常了解，要贏歐聯就要擊敗最強，而衞冕嘅曼城係現時歐洲其中一隊最強嘅球隊，今仗不容有失。

皇家馬德里自一月中西班牙國王盃輸比馬體會之後，所有賽事已經13場不敗，包括十六強兩回合2:1擊敗萊比錫。皇馬近三場(切爾達，奧沙辛拿，畢爾包)全勝共入10球，現以八分領先巴塞隆拿處於聯賽榜榜首。自去年四月以來，皇馬已經26場主場不敗。呢場有雲尼素斯 (Vinicius Junior)聯賽停賽後復出，今季佢有18入球同8個助攻，係皇馬前鋒線最具威脅一人。中場比寧咸(Jude Bellingham)今季攻入20球亦貢獻10個助攻，嚟到皇馬第一季佢已經成為球隊嘅重心。皇馬上場聯賽後有九日休息時間以逸待勞，相反曼城就征戰頻頻，球員體能上可能佔優。

對手曼城歐聯主客都表現穩定，分組賽全勝，十六強兩回合贏哥本哈根6:2躋身八強。今屆歐聯每場都最少入3球。自2022年，作客皇家馬德里輸1:3之後，佢哋喺歐聯已經21場不敗。今次冤家碰頭再戰皇馬勢頭唔弱，星期六作客水晶宮，周中輪休嘅迪布尼(Kevin De Bruyne)，夏蘭特(Erling Haaland)都有入球。迪布尼更係表現八面玲瓏，入兩球之餘仲助攻比處於小入球荒嘅賀蘭特，4:2大炒水晶宮。近況大勇，周中對維拉大演帽子戲法嘅科頓(Phil Foden)輪休都夠砌。哥帥賽前就冇透露邊個龍門會正選上陣，後備門將奧迪加(Stefan Ortega)狀態唔好錯，艾達臣(Ederson)上場聯賽復出居後備，今場隨時候命。

分類:

足球資訊

10/04/2024 皇家馬德里 vs 曼城

分類:

標籤:

關於我們:

快速連結:

聯絡我們: