22/02/2024 波圖 vs 阿仙奴

足球資訊 | 歐洲聯賽冠軍盃(2023/24) | 發布日期: 21/02/2024

排名: 葡超(3) vs 英超(3）

阿仙奴自後雲加時年代起，闊別七年終於再重返歐聯十六強。阿迪達當然希望藉球隊近況大勇乘勝追擊，打破連續七季十六強出局嘅歷史魔咒，甚至係重演呢七季前嘅輝煌歷史：兩回合大勝波圖6:2成功闖進八強。波圖喺近年一直都係歐聯十六強常客，而且攻力唔錯，今季歐聯平均每場入2.5球，喺今季歐聯球隊中排第四，攻守平衡，唔易應付。

波圖喺歐聯H組從巴塞隆拿，安特衛普，薩克達中突圍而出，跟巴塞同分只輸對賽成績成為小組次名。歐聯就算順風順水，今季聯賽只排第三，近況亦都麻麻，近三場只係贏咗一場，但聯賽十一場主場只係失左5球，近五仗都能喺主場保住清白之身，攻擊力亦有返咁上下。左翼加連奴(Wenderson Galeno)同對手阿仙奴嘅沙卡(Bukayo Saka)以4個助攻並列歐聯助攻王，而前鋒(Evanilson)近六場賽事共攻入8球，攻力不容忽視。

阿仙奴係分組賽同西維爾，朗斯同燕豪芬同組，尚有一場未踢已篤定晉級，本來個勢唔錯，但踏入聖誕快車期就曾出現一個小低潮，諸事不順，腳頭無靈。當大家仲講緊佢哋需要一個正前鋒時，球員就以連續五場聯賽共入21球證明冇呢個需要。入球源源不絕之餘，近三場亦一球不失，阿迪達就話，呢個歐聯戰火重燃前嘅狀態高峰正來得及時。波圖嘅火龍球場，對於近期重拾球隊正選位置，亦搵到自己存在價值嘅夏維斯(Kai Havertz)嚟講特別有意義，三年前佢就喺呢個球場，為車路士射入奠定勝局一球捧起大耳盃，佢表示期待重返呢個球場，再創造美好回憶。