歐聯十六強首回合，曼城喺70分鐘被追平嘅情況下，全場0次換人。留意開教練Guardiola嘅球迷或者唔會覺得意外，皆因Guardiola出名係原則先行，當時佢手上冇晒De Bruyne、Laporte、Stones、下半場RB萊比錫又開始向前猛壓，但到咗RB追平1:1之後，場面又回復番平衡，Guardiola話曼城一回復穩定之後佢就好少會再求改變，所以就算後備席有Foden、Phillips亦都無意換入。對比番上星期六作客水晶宮嘅英超賽事，78分鐘Haaland入波後Guardiola先至換入嘅De Bruyne同埋Walker，就更加似係為歐聯熱身多於想擴大勝果。睇嚟Guardiola對今場十六強次回合比賽滿有信心。

作客嘅RB上週末對住狀態反覆向下嘅慕遜加柏敢於喺兩閘位置玩輪換，輕鬆贏3:0。前鋒Werner繼續入球、西班牙攻中Olmo休養成個月今場第86分鐘可以落場踩吓草地，都可以話係球隊現時所能有嘅最佳狀態同氣氛，但始終Nkunku傷完再傷係一大打擊，作客要喺曼城身上拎啲甜頭確係需要多啲運氣。