22/06/2024 荷蘭 vs 法國

足球資訊 | 2024歐洲國家盃 | 發布日期: 21/06/2024

排名: 世界(7) vs 世界(2)

D 組第二場賽事，同係三分嘅荷蘭迎戰法國，贏波就篤定晉級十六強。荷蘭喺歐國盃前嘅8場國際賽，只係輸過一場1:2比德國，令佢哋喺賽前已被視為熱門之一。法國近13場國際賽事不敗，雙方近8次對賽，法國贏咗7場，包括外圍賽雙殺荷蘭，格食格味濃。

首場對波蘭，荷蘭開賽初段就被波蘭頭槌頂入，只落後左13分鐘，就由加保(Cody Gakpo)禁區外起腳省中對手入網，負責攻堅嘅迪比(Memphis Depay)，加保(Cody Gakpo)，沙維施蒙斯(Xavi Simons)都非常活躍，加保個人突破成功率更達100%。荷蘭機會雖不少但埋門質素就欠奉，21射只4中龍。到下半場尾段仍然未能打破僵局嘅荷蘭，換入秘密武器中鋒韋賀斯(Wout Weghorst)，首次掂波就射入奠定勝局一球。韋賀斯堪稱大賽後備殺手，佢喺世界盃同歐洲國家盃後備入替共入4球，係荷蘭足球史上後備入波紀錄保持者。雖然守強攻弱，荷蘭仍有足以改變戰局嘅Plan B。

對手法國第一場亦贏得驚險，只係憑對手嘅烏龍波贏1:0。奧地利不計氣力逼搶，俾法國極大壓力。法國其實不乏攻門機會，包括安巴比(Kylian Mbappé)一個單刀波，只係同荷蘭一樣，未能將攻勢轉化成入球。呢場全取三分，代價就係射手安巴比跟對手爭頂撞爆鼻，賽後球迷喺社交媒體向安巴比推介「忍者龜」面罩。迪甘斯透露，會用盡所有方法令安巴比出戰。星期四黃昏，安巴比已經戴住法國國旗顏色嘅保護面罩操練。安巴比喺呢場嘅角色十分重要，皆因佢係荷蘭殺手，國家隊入波最多嘅對手就係荷蘭，而上場歐洲國家盃外圍賽，法國亦係靠佢梅開二度贏荷蘭2:1。上陣成疑嘅亦有沙利巴(William Saliba) 同烏柏美卡奴（Dayot Upamecano)，兩者因輕傷缺席星期三操練。

預計兩隊正選陣容：

［荷蘭］

Verbruggen - Dumfries, De Vrij, Van Dijk, Aké - Reijnders, Schouten, Veerman - Simons, Depay, Gakpo

［法國］

Maignan - Koundé, Saliba, Upamecano, Hernández - Griezmann, Kanté, Rabiot - Dembélé, Giroud, Thuram

分類:

足球資訊

22/06/2024 荷蘭 vs 法國

分類:

標籤:

關於我們:

快速連結:

聯絡我們: