今年歐聯決賽利物浦對皇家馬德里重演2018年嘅戲碼。當年利物浦先有前鋒Salah俾皇馬中堅Ramos夾落地重傷離場，繼而到門將Karius發夢送禮。今晚決賽難免會有唔少人將「復仇」掛喺嘴邊，但利物浦一早靠自己得到救贖，先有2019年再入決賽贏埋冠軍，隨後更喺2020年贏番次英超，Salah一直都係陣中主力。利物浦進入下半季再改從葡萄牙引入Luis Díaz，Luis Díaz報到後起到即時作用，佢同Salah左右兩路同時發功，再加上Mané打正前鋒繼續頻有進賬，利物浦今季歐聯分組賽6戰全勝再一直殺到入決賽，好大程度係受益於呢個強化咗嘅3前鋒陣勢。

皇家馬德里今季就意外地遇上34前鋒賓施馬鋒芒畢露，幾乎就係「有波就交俾賓施馬」嘅局面。賓施馬今屆歐聯入球達到15個之多，淘汰賽先後對住PSG、車路士、曼城，隊隊硬嘢，擔任隊長嘅賓施馬竟然喺呢3隊身上攞夠10球，咪話唔誇張。皇家馬德里教練Ancelotti今次面對整體攻力較強嘅利物浦，估計都係會派出老臣子Kroos、Casemiro、Modric守住中路，只爭在會係似對曼城時踢雙防中，定還是似對車路士咁踢三中場。如果係後者呢種較進取嘅排陣，面對利物浦習慣上前助攻嘅兩閘Alexander-Arnold、Robertson，就有較大把握做好防守反擊，俾利物浦帶嚟真正嘅威脅。相比之下利物浦嘅中場線就作有變數，本來預咗繼續養傷嘅中場Thiago、Fabinho都喺週中有操練，亦有隨大隊上飛機前往巴黎，呢兩個今季歐聯持續有好表現嘅中場主力如果起碼有一個趕及復出，利物浦在攻在守都應該會有更好把握。

預計兩隊正選陣容：
【利物浦】
Alisson - Alexander-Arnold, Matip, van Dijk, Robertson - Fabinho - J. Henderson, N. Keita - Salah, Mané, Luis Díaz
【皇家馬德里】
Courtois - Carvajal, Eder Militao, Alaba, F. Mendy - Casemiro, Kroos - Fede Valverde, Modric - Benzema, Vinicius Junior

相關內容:

---