26/05/2022 羅馬 vs 飛燕諾 - 賽前分析
足球資訊 | 歐洲協會聯賽 | 發布日期: 26/05/2022
排名: 意甲(6) vs 荷甲(3)
球賽推介: 羅馬 冠軍
全新嘅歐洲協會聯賽嚟到最後一個比賽日，首場決賽由荷甲季軍飛燕諾對意甲第六嘅羅馬。兩隊都係歐洲賽常客，戲碼一啲都唔失禮。
羅馬喺意甲最後一場大勝拖連奴3:0保住第六名，已經肯定下季有得踢歐霸，飛燕諾亦憑荷甲第三名出戰歐霸，兩隊都唔需要靠贏歐協聯冠軍先踢到下季歐霸。但對於飛燕諾嚟講，佢哋對上一次歐洲賽冠軍已經係廿年前嘅歐協盃，羅馬就更係未贏過歐洲錦標，上次打決賽亦已經係31年前歐協輸俾國際米蘭，兩邊嘅爭冠動力都唔細。
至於計名氣、經驗，羅馬無疑較為佔優，雙方歷來僅有嘅兩次對賽（2015年歐霸）之中羅馬亦以1勝1和保持不敗。擁有歐聯經驗嘅前車路士前鋒譚美阿巴謙今季聯賽射入17球，歐協聯亦踢出12場入9球嘅佳績。此外又點可以唔提羅馬依家嘅教頭摩連奴，佢教波圖、車路士、曼聯期間已組擸盡歐協、歐聯、歐霸，如果贏埋呢個新開未有人贏過嘅歐協聯，就真係威到冇朋友。