今年季後賽西區同東區決賽已經正式開始，神奇嘅係兩岸嘅組合同2020年東西岸決賽係一模一樣，分別係洛杉磯湖人對丹佛金塊同埋邁阿密熱火對波士頓塞爾特人。上一次係由總教練Vogel，LeBron James (LBJ) 同 Anthoy Davis (AD) 帶領下嘅湖人對得總冠軍唔知今年嘅佢哋可唔可以重新奪冠。而家先嚟帶大家睇吓湖人對金塊呢個match up。

今年嘅湖人喺西區嘅戰績以43勝39負排西區第七名，需要打附加賽先至入到playoff。佢哋先係贏咗對明尼蘇達木狼嘅附加賽之後再以四比二嘅成績先後淘汰西區第二種子孟菲斯灰熊同埋由Curry帶領嘅勇士三巨頭。由季初只有0.3%嘅機率入到季後賽再到而家一路過關斬將殺到入西區總決賽，當中嘅轉捩點歸功於今年交易截止日之前所做嘅重大交易，包括以Kendrick Nunn換嚟Rui Hachimura，用Russell Westbrook同2027年首輪簽為主嘅三方交易包向木狼同猶他爵士換取D’Angelo Russell (D lo)，Jarred Vanderbilt 同 Malik Beasley。呢啲交易成功將同球隊唔適應嘅球員換來可以增加板凳深度同增加多一個進攻持球點 (D lo)。從球隊防守數據嚟睇，喺面對進攻火力強大嘅勇士同灰熊，湖人嘅場均失分只係109.2足以證明佢哋嘅防守有一定實力而且平均每場有6.8個block shoot係咁多隊季後賽球隊裏邊最高。

進攻方面湖人有AD喺禁區裏面得分、因年紀越來越大以多咗打無球嘅LBJ、以及喺季後賽裏面爆發場均16.0分44%命中率嘅後起之秀Austin Reaves係湖人入面除咗LBJ同AD之外得分最高嘅球員，再搭上一眾唔錯嘅角色球員，湖人整體實力喺成隊都健康嘅情況下都頗為完善。但係佢哋嘅3分能力一直都係纏繞佢哋嘅問題，係場均接近31次3分出手入面只係射入咗10.5球命中率為30.9，排喺咁多隊季後賽球隊入邊尾4。而且係呢兩場作客金塊嘅比賽入邊佢哋似乎仲未搵到辦法去限制金塊嘅主力球員，令Nikola Jokic連續兩場輕鬆攞到超過20+15+10嘅成績以及Jamal Murray都有得分30+。而且湖人喺整體身形處於劣勢，即使防守最強嘅中鋒 (AD) 對上進攻最強嘅中鋒 (Jokic)，AD喺頓位上都係被Jokic比下去。所以湖人點樣作出防守調整將會係佢哋贏唔贏到呢輪季後賽嘅關鍵。

金牌方面情況比較簡單，常規賽以53勝29負西區第一嘅姿態問鼎總冠軍。前兩輪以4-1同4-2先後輕取木狼同淘汰KD季中加入嘅鳳凰城太陽。Nikola Jokic喺季後賽以場均準trible-double嘅30.7分12.8籃板9.8助攻加上3分波命中率47.5%整體命中率54.9%嘅極高效率對上第一輪對手木狼嘅雙搭Rody Gobert，Karl-Anthony Towns同埋第二輪嘅Deandre Ayton，Jock Landale，Bismack Biyombo都冇辦法限制到Jokic發揮。而到今輪對住湖人繼續如入無人之境兩場主場都攞到trible-double。今年嘅金塊比起上年有隊中另一位主力得分手Jamal Murray傷癒復出，就等如一位球星加盟，實力有好大嘅提升。佢嘅表現都眾望所歸，喺季後賽打岀26.3分47%命中率3分四成命中率嘅表現，包括第二場對湖人第四節個人獨取23分。冇左2020年對湖人當時陣中Dewight Howard同JaVale McGee進攻時對Jokic造成嘅犯規問題後，今次對決金塊相對打得輕鬆。只要呢對一內一外嘅雙人組合保持而家嘅表現作客湖人攞到3-0 或者3-1嘅優勢，相信要創造歷史首次踏足NBA Finals並唔係一件難事。

相關內容:

---